“Məhkumlar” serialının 23-cü bölümü də bir sıra maraqlı hadisələrlə yadda qalır. Belə ki, hamı yoxa çıxmış Solmazı axtararkən Solmaz qəfildən Xuramanın evinə gedir və Xuramanın təhdid və hədələrindən sonra buradan da qaçır. Xəqani İstanbula yola düşərkən Adil Solmaza atalarının Bəhram tərəfindən öldürüldüyünü söyləyir.
Bəhram həbsxanadakı görüş otağında qızı Leylanı gözləyərkən otağa arvadı Xuraman daxil olur və bildirir ki, onun Leylaya bağışladığı bütün mal-mülkünü, şirkətini öz adına keçirib. Bu xəbərdən şoka düşərək sarsılan Bəhram dəli olmaq dərəcəsinə çatdığından Xuramana hücum edərək onu boğub öldürməyə başlayır. Bu arada ikili, üçlü oyun oynayan Zər Şahmar qızı Şəbnəmə atasının sağ olduğunu söyləyir.
Bütün bu hadisələrin necə cərəyan etdiyini bilmək istəyirsinizsə, bu gün axşam saat 19.15-də ATV kanalında “Məhkumlar” serialının 23-cü hissəsini mütləq izləyin.
