Xəbər verdiyimiz kimi, təmas xəttində Ermənistan silahlı qüvvələrinin növbəti təxribatının qarşısı alınıb.
Qaynar.info Teleqraf.com-a istinadən xəbər verir ki, bu dəfə ermənilərin pilotsuz müşahidə aparatı təmas xəttində yerləşən Ağdam rayonu Alıbəyli kəndi ərazisində görünüb.
Azərbaycan ordusunun hərbi hava hücumundan müdafiə qüvvələri aşkarlanan pilotsuz uçuş aparatını vuraraq sıradan çıxarıblar. Müdafiə Nazirliyi faktı təsdiqləyib.
Əməkdaşımızın bildirdiyinə görə, kənd sakinləri erməni təyyarəsinin vurulması anını mobil telefon vasitəsi ilə görüntüləyiblər.
