"Bu əməliyyat
gələcəkdə akademiyalarda hərbi dərslərdə keçiriləcək”.
BunuQaynarinfo-ya açıqlamasında hərbi ekspert Emin Həsənli Azərbaycan ordusunun
Şuşada keçirdiyi əməliyyatı şərh edərkən deyib. O, Şuşanın çox yüksəklikdə yerləşdiyini
xatıladıb:
"Şuşa
alınmaz qala idi. Şuşa bizim mədəniyyət beşiyimizdir, orada tarixi abidələrimiz
var. Düzdür, onların bir qismini ermənilər dağıdıb. Şuşada əlbəyaxa döyüşün bir
çox səbəbləri var. Bunlardan biri Azərbaycan əsgərləri qala divarlarına zərər
vermək istəməyib. İkincisi isə bu, səssiz bir əməliyyatdır. Xüsusi təyinatların
əməliyyatı səssiz həyata keçirilir və onların gəlişi düşmən tərəfindən hiss
olunmur. Şuşada qalan erməni meyitlərindən də hiss olunur ki, küçə döyüşləri
gedib. Xankəndində olan xarici media nümayəndələrinin yazdığı məqalələrdən də
görünür ki, silahlar çox yaxın məsafədən atılıb. Bizim çox möhtəşəm, müharibə
aparmağa qadir ordumuz var. Xüsusi təyinatlılarımız ən ağır şəraitdə döyüş
aparmaq gücündədirlər”.
Emin Həsənli
qeyd edib ki, Şuşa Azərbaycan tarixində ən uğurlu əməliyyatlardan biridir:
"Dünya
hərb sahəsinə qızıl həriflərlə yazılan salnamədir. Bu, eyni zamanda Azərbaycan
ordusunun nə qədər peşəkar olduğunu bir daha sübut edir. Bu əməliyyatla bağlı
sonrakı günlərdə həm Müdafiə Nazirliyinin görüntüləri, həm də xüsusi təyinatlıların
açıqlamalarından daha dəqiq informasiyalar əldə edəcəyik”.
Emin Həsənli
düşmənin bayrağı, canlı qüvvəsini döyüş zonasında qoyub qaçdığını da
vurğulayıb:
"Amma
Azərbaycan əsgəri yaralısını, şəhidini də çiyinlərində daşıyır. Bu, Azərbaycan əsgərinin
qəhrəmanlığının göstəricisidir, hərbiçinin bir-birini nə qədər sevdiyinin, vətənə,
bayrağa bağlı olduğunun sübutudur. Dosta, sirdaşa sona kimi arxa çıxmaqdır. Bu,
vətənpərvərliyin ən yüksək nümunəsidir”.
Bahar
Rüstəmli
