Nazirlər Kabineti yanında Operativ Qərargah tərəfindən ötən gün və bu gün iri şəhərlərdə insanların evdən bayıra çıxması qadağan edildikdən sonra paytaxt küçələrində maraqlı görüntülər ortaya çıxır.
Qaynarinfo ölkə.az-a istinadən xəbər verir ki, Bakının Heydər Əliyev prospektində icazəsiz bayıra çıxan orta yaşlı bir qadına polislər maraqlı jest edib.
Onlar vətəndaşı cərimələmək əvəzinə onu xidməti avtomobilləri ilə evinə aparıblar.
Xidmət aparan hərbçilərdən biri digər xidmət yoldaşından qadını qapılarına qədər aparmağı xahiş edib və qadını avtomobilə əyləşdirib.
