Ağdam rayon sakinlərindən aldığımız məlumata görə, rayon icra hakimiyyətindən yuxarı instansiyalara, dövlət başçısına və H.Əliyev Fondunun prezidenti Mehriban Əliyevaya göndərilən şikayət məktubları Ağdam rayon poçtunda oxunaraq cırılır.
Adının çəkilməsini istəməyən bir nəfər İnterpress.az-a bildirib ki, onun işdən çıxarılması ilə əlaqədar göndərdiyi 3 məktubdan cavab çıxmadıqda poçtda işləyən bir qohumuna müraciət edib. Qohumu bildirib ki, Ağdamdan gedən bütün məktublar oxunur.
İcra başçısı Nizami Sadıqov, Qaçqınların və Məcburi köçkünlərin işləri üzrə Dövlət Komitəsinin sədri Əli Həsənov haqda gedən məktublar elə poçtda yandırılır. İcra başçısı haqda yazan şəxslərin icra hakimiyyətinə çağrılaraq təhdid edildiyi haqda da məlumatlar var.
Qaynar.info
