Yevlax rayonunda ağır yol qəzası baş verib.
Saat 23 radələrində Yevlax-Aran-Mingəçevir yolunun 2-ci kilometrliyində "Mercedes" markalı minik avtomobili sürücünün idarəetməsindən çıxaraq aşıb. Nəticədə avtomobildə olan şəxslərdən 1989-cu il təvəllüdlü Mirzəyev Orxan Əvəz oğlu aldığı xəsarətlərdən hadisə yerində vəfat edib. Daha 4 nəfər isə müxtəlif dərəcəli bədən xəsarətləri ilə xəstəxanaya yerləşdirilib.
Qəzada yaralanan şəxslərdən ikisi 8-10 yaşlı uşaqlardır.
Bildirilir ki, ailə üzvləri nişan mərasimindən Mingəçevirə qayıdarkən qəzaya düşüb.
Faktla bağlı araşdırma aparılır. ///Lent.az
* * *
Qəzada ölən Mirzəyev Orxan Eyvazağa oğlu Tərtər Rayon İcra Hakimiyyətinin başçısı Müstəqim Məmmədovun bacısı oğludur. Xəbəri ANS-ə Tərtər İcra Hakimiyyətindən təsdiqləyiblər.
Bildirilib ki, hadisə Yevlaxda baş verib. "Rəhmətə gedən Yevlax sakini olub. Onun 26 yaşı var idi. Hazırda Müstəqim müəllim yas mərasimindədir", - deyə qurum rəsmisi bildirib.
Qaynar.info
