Cəlilabad rayon İcra Hakimiyyətində birinci müavin vəzifəsinə yeni təyinat olub. Qaynar.info xəbər verir ki, işdən çıxarılan keçmiş müavin Asif Əzizovun yerinə rayon təhsil şöbəsinin müdiri Vidadi Dövlətov təyin edilib.
Hafta.az-ın məlumatına görə, V.Dövlətovun icra başçısının müavini vəzifəsinə gətirilməsi rayon sakinləri arasında ciddi narazılıq doğurub. V.Dövlətovun yeni vəzifəyə gətirilməsi hələlik rəsmi şəkildə təqsdiqlənməsə də, rayon ictimaiyyəti arasında birmənalı qarşılanmayıb. Yaxın günlərdə V.Dövlətovun icra başçısının müavini vəzifəsinə təyin olunmasının təsdiqlənəcəyi bildirilir.
Xatırladaq ki, avqustun 11-də prezident İlham Əliyevin Cəlilabadda bir sıra obyektlərin açılışında iştirak etməsi üçün rayona səfərindən sonra A.Əzizov işdən çıxarılıb. Mətbuatda dərc olunan xəbərlərə görə, ölkə başçısının rayona səfəri zamanı orada gedən hazırlıq işlərindən narazılıq olub. Özü də bu narazılıqlar nazirlər səviyyəsində dilə gətirilib. Hətta bəzi vəzifəli şəxslərin birbaşa A.Əzizovla mübahisəsi olduğu da qeyd olunur. Elə müavinin işdən çıxarılmasına səbəb kimi onun vəzifəli şəxslə mübahisə etməsi göstərilir.
Qaynar.info
