Səbail rayon İcra Hakimiyyəti bəzi mətbuat otrqanlarında Səbail rayon İcra Hakimiyyəti başçısının müavini Yavər Allahverdiyev tərəfindən ölümlə nəticələnən qəza törədilməsi barədə verilən məlumatlara münasibət bildirib.
İcra Hakimiyyətindən Trend-ə daxil olan məlumatda bildirilir ki, bu məlumatlar yalandır və həqiqətə uyğun deyil. Qəza hadisəsini törədən şəxs saxlanılıb və hazırda istintaq aparılır.
Qeyd edək ki, bəzi mətbuat orqanlarında 2 nəfərin ağır yaralanmasına, 1 nəfərin isə ölümünə səbəb olan yol qəzasının Y.Allahverdiyev tərəfindən törədildiyi barədə məlumatlar yayılmışdı.
Qaynar.info
