Bu gün Bakı Apellyasiya Məhkəməsində “REAL” Hərəkatının həbsdə olan sədri İlqar Məmmədovun Mərkəzi Seçki Komissiyasına (MSK) qarşı apellyasiya şikayəti əsasında məhkəmə prosesi başlayıb.
APA-nın məlumatına görə, prosesdə çıxış edən İ. Məmmədovun vəkili Xalid Bağırov müdafiə etdiyi şəxsin məhkəmədə iştirakının təmin edilməsi barədə vəsatət verib. Məhkəmə vəsatəti təmin edib.
Proses sentyabrın 18-də davam etdiriləcək.
Qeyd edək ki, MSK İ. Məmmədovun prezidentliyə namizədliyini qeydə almayıb.
Bundan narazı qalan İ. Məmmədov isə məhkəməyə müraciət edib.
