Dünya 13:35 07.12.2023

Şimali koreyalı hakerlər Cənubi Koreyanın hərbi məlumatlarını oğurlayıb?

Cənubi Koreya polisi Şimali Koreyanın "Andariel” haker qrupunun lazer silahları haqqında məlumatları oğurlaya biləcəyi hadisəsini araşdırır.

Qaynarinfo bu barədə "Reuters”ə istinadən xəbər verir.

ABŞ Federal Təhqiqatlar Bürosu ilə birgə aparılan təhqiqat hakerlər qrupunun əldə etdiyi məlumatların miqdarını müəyyən etməyə çalışır. Polisin bildirdiyinə görə, 14 təşkilatdan müdafiə texnologiyası məlumatları, o cümlədən zenit lazeri oğurlanıb. Araşdırmaya görə, hakerlər ümumi həcmi 1,2 terabayt olan təxminən 250 faylı ələ keçirə bilər.

2019-cu ildə ABŞ Maliyyə Nazirliyi "Andariel” haker qrupunu xarici bizneslərə, dövlət qurumlarına və müdafiə sənayesinə qarşı zərərli kiber əməliyyatlar həyata keçirən Şimali Koreya hökumətinin maliyyələşdirdiyi təşkilatların siyahısına daxil edib.

Məlumat bazalarını sındırdıqdan və məlumatları oğurladıqdan sonra hakerlər həmçinin üç Cənubi Koreya və xarici firmadan 357 866 dollar dəyərində bitkoin oğurlayıblar. 

Nizami Bağırov