İmişli rayonunda ölümlə nəticələnən bədbəxt hadisə baş verib.
Teleqraf xəbər verir ki, hadisə İmişli şəhəri ərazisində qeydə alınıb. Şəhər sakini, 1967-ci il təvəllüdlü Mehman Novruz oğlu Cavadov yüksək gərginlikli elektrik cərəyanının vurması nəticəsində həyatını itirib.
Hadisə yerinə hüquq-mühafizə orqanlarının əməkdaşları cəlb olunub, əraziyə baxış keçirilib.
Mərhumun meyiti müayinə olunması üçün Məhkəmə Tibbi Ekspertiza və Patoloji Anatomiya Birliyinin İmişli rayon şöbəsinə təhvil verilib.
Faktla bağlı araşdırma aparılır.
