Xəbər verdiyimiz kimi, bu gün Dövlət İmtahan Mərkəzi (DİM) ali təhsil müəssisələrinin və AMEA-nın magistraturalarına fevralın 25-də keçirilmiş qəbul imtahanının birinci mərhələsinin nəticələrini elan edib.
İmtahanda iştirakı nəzərdə tutulan 12387 bakalavrdan 146 nəfəri imtahana gəlməyib. İmtahanda ən yüksək nəticə toplanılması mümkün olan 100 baldan 95 bal olub.
AzVision.az-ın məlumatına görə, magistratura imtahanında ən yüksək nəticə göstərən abituriyent Bəxtiyar Zeynalovdur. O, 95 bal toplayaraq Respublika birincisi olub.
