Sentyabrın 12-də Nəsimi Rayon Məhkəməsi həbsdə olan hüquq müdafiəçisi İntiqam Əliyevin ev dustaqlığına buraxılması ilə bağlı vəsatətinə baxıb. Vəkil Anar Qasımlı “Azadlıq” radiosuna bildirib ki, vəsatət təmin olunmayıb: “Biz axtarış zamanı baş verən qanun pozuntuları ilə bağlı vəsatət də vermişdik. Heç birini təmin etmədilər. Məhkəmənin qərarından apellyasiya şikayəti verəcəyik”.
Avqustun 8-də Nəsimi Rayon Məhkəməsi Hüquq Maarifçiliyi Cəmiyyətinin rəhbəri İntiqam Əliyev barəsində 3 ay müddətinə həbs qətimkan tədbiri seçib.
İntiqam Əliyev Cinayət Məcəlləsinin 213.1-ci (vergidən yayınma), 308.2-ci (vəzifə səlahiyyətlərindən sui-istifadə etmə) və 192.2-ci (qanunsuz sahibkarlıq) maddələri ilə təqsirləndirilir.
Müdafiəçiləri isə İntiqam Əliyevin həbsini siyasi sifariş sayır.
Qaynar.info
