Baş prokuror Kamran Əliyev kadr islahatları ilə bağlı yeni əmr imzalayıb.
Qaynarinfo Qafqazinfo-ya istinadən xəbər verir ki, K. Əliyevin əmri ilə İsmayıl Qayıbov Baş Prokurorluğun Xüsusi müsadirə məsələlərinin əlaqələndirilməsi idarəsinin rəis müavini vəzifəsinə təyin edilib.
Qeyd edək ki, İ. Qayıbov Azərbaycanın ilk Baş prokuroru İsmət Qayıbovun oğludur. O, 1991-ci il noyabrın 20-də Xocavənd rayonu yaxınlığında bir sıra digər dövlət xadimi ilə birgə içində olduğu Mi-8 vertolyotunun erməni hərbi birləşmələri tərəfindən vurulması nəticəsində şəhid olub.
