Gəncədə keçmiş məhkum özünü yandırıb.
Bu barədə Trend-ə Gəncə Şəhər Prokurorluğundan məlumat verilib.
Hadisə yanvarın 26-sı gecə saat 02 radələrində Gəncə şəhəri, Nizami küçəsi, 10-cu döngə, dalan 1, ev 5-də qeydə alınıb. Həmin ünvanda yaşayan 1966-cı il təvəllüdlü, əvvəllər məhkum olunmuş Sultanov Arif Məmməd oğlu yaşadığı evdə üzərinə tez alışan maddə töküb. A.Sultanov aldığı xəsarətdən hadisə yerində ölüb.
Faktla bağlı Gəncə Şəhər Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.
Qaynarinfo.Az
