"Qaydaları
pozanları cərimələr gözləyir”.
BunuQaynarinfo-ya açıqlamasında hüquq müdafiəçisi Əlməmməd
Nuriyev komendant saatı ilə bağlı qaydaların pozulmasından danışarkən deyib. O
bildirib ki, komendant saatı müddətində xüsusi icazə olmadan hər hansı bir şəxsin,
yaxud da nəqliyyat vasitəsinin hərəkəti qadağandır:
"Xüsusi
icazənin verilməsi komendant tərəfindən müəyyən edilir. Prezidentin sərəncamı
ilə ölkə üzrə ümumi komendant Daxili İşlər naziri təyin edilib. Eyni zamanda da
ayrı-ayrı rayonlarda komendantların təyin olunması da gözlənilir. Bu da ölkənin
komendantı tərəfindən həyata keçiriləcək. Bütövlükdə hərbi vəziyyət haqqında
rejimin icrasna nəzarət Daxili İşlər orqanlarına tapşırılıb”.
Hüquq
müdafiəçisinin sözlərinə görə, bütün icazə sistemi Daxili İşlər Nazirliyi vasitəsi
ilə həyata keçiriləcək:
"Orada
müvafiq qurumlara, onların vəzifəli şəxslərinə, maşınlara icazələr verilməsi müəyyənləşəcək.
Birincisi, hərəkətin məhdudlaşdırılması baş verəcək. Eyni zamanda, hamı öz üzərində
şəxsiyyət vəsiqəsi gəzdirməlidir. Çünki şəxsiyyətin müəyyənləşdirilməsi məsələsi hər
zaman ola bilər. Biz hər zaman təxribatlar gözləyirik. Bütün bunların qarşısını
almaq üçün hərbi qanunlara əməl etmək lazımdır. Əks halda qaydaları pozanları cərimələr
və yaxud da onların saxlanılması gözləyir”.
Bahar Rüstəmli
