"COVİD-19-la
bağlı televiziyalarda Operativ Qərargahın maarifləndirici məlumatları eşidilmir”.
BunuQaynarinfo-ya açıqlamasında professor Adil Qeybulla koronavirus infeksiyası ilə
bağlı yoluxma sayının artım səbəblərindən danışarkən deyib. Professor qeyd edib
ki, bununla bağlı müvafiq qurumlar var:
"Biz
bu gün televiziya ekranlarından əvvəlki kimi COVİD-19-la bağlı təbliğat
xarakterli məlumatlar eşitmirik. Operativ Qərargahın maarifləndirici tədbirləri,
qapalı yerlərdə, küçələrdə karantin davranışlarını artıq görmək olmur. İctimai
nəqliyyatda maska taxanların sayı azalıb. Ağız bağlı, burun açıq... Məktəblərdə
də həyat bu qaydada davam edir”.
Professor
deyib ki, pandemiya da insan həyatına son qoyur:
"Pandemiyada
da insanlar ölür. Axı niyə biz insanlarımızı itirməliyik? Bunların hamısı vətəndaş
məsuliyyətsizliyindən baş verir. Vətəndaşlar karantin qaydalarını qulaq ardına
vururlar. Üstəlik, müharibə başlayandan televiziyalarda bu məsələ ilə bağlı
verilişlər vermirlər”.
Bahar
Rüstəmli
