Bu gün saat 12-13 radələrində Ağcabədi rayonunun Taxtakörpü qəsəbəsində məskunlaşan Laçın rayonundan olan məcburi köçkünlər 35-ə qədər minik avtomobili ilə Zərdab-Ağcabədi magistral yolunu kəsiblər.
Bu barədə musavat.com-a məlumat verən mənbə bildirib ki, laçınlılar aksiya zamanı sosial tələblərlə çıxış ediblər. Laçınlıların narazılığının ikinci səbəbi Laçın rayonuna təyin olunan yeni icra başçısı Akif Səlimovla bağlı olub.
Sakinlər A. Səlimovu tayfabazlıqda günahlandırıblar. Məlumatda bildirilir ki, istefada olan polis polkovniki A.Səlimov PKK-ya bağlı olduğu söylənilən “Diplomat” qəzetində “Kürd olmaq qəbahətdirmi?” sərlövhəli məqalələrlə çıxış edib.
Qaynar.info
