Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Lavrov Qəzza münaqişəsinin həlli üçün Rusiya ilə Türkiyə təmaslarından danışdı
Rusiya Türkiyənin Fələstin-İsrail münaqişəsinin tərəfləri üçün qarant ölkələr sistemi yaratmaq təşəbbüsünü müzakirə etməyə hazırdır.
Qaynarinfo xəbər verir ki, bu barədə Rusiyanın xarici işlər naziri Sergey Lavrov cümə axşamı, oktyabrın 19-da Pxenyanda jurnalistlərlə görüşündə bildirib.
"Biz istənilən konstruktiv təklifləri müzakirə etməyə hazırıq. Ötən gün eşitdiyim bu təşəbbüs açıq şəkildə deeskalasiyaya nail olmaq və vəziyyəti normallaşdırmaq istəyi ilə diktə olunur. Konkret nə nəzərdə tutulur, biz təbii ki, bu məsələ ilə bağlı təmasda olduğumuz türkiyəli dostlarımızdan eşitmək istərdik”, - XİN rəhbəri bildirib.
Lavrov onu da qeyd edib ki, Rusiya istənilən yanaşmanın bəzilərinin maraqlarını digərlərinin maraqları hesabına sırımağa deyil, tərəflərin maraqlarının balansına əsaslanmasının tərəfdarıdır. Onun fikrincə, Türkiyənin təşəbbüsü belə balansı təmin edə bilər ki, bu da Rusiya Federasiyasının onun nəzərdən keçirilməsində əməkdaşlığa hazır olması deməkdir.
Bundan əvvəl, oktyabrın 17-də Türkiyə Xarici İşlər Nazirliyinin rəhbəri sülh razılaşması əldə olunarsa, Ankaranın Fələstin üçün qarant ölkə kimi çıxış etməyə hazır olduğunu bəyan edib. O vurğulayıb ki, digər ölkələr də İsrailin qarantı kimi çıxış etməlidir. Hər iki tərəfin qəbul etdiyi razılaşma əldə edildikdən sonra zamin ölkə onun tələblərinin yerinə yetirilməsi üçün məsuliyyət daşımalıdır.
Oktyabrın 17 -də Əl-Əhli Əl-Maadani xəstəxanasına hücum edildikdə Qəzza zolağında baş verən hadisələr Yaxın Şərqdə gərginliyin artmasına səbəb olub. Qəzzanın Səhiyyə Nazirliyinin məlumatına görə, həlak olanların əksəriyyəti qadın və uşaqlardır. Son məlumatlara görə, 471 nəfər ölüb.
Eyni zamanda İsrailin baş naziri Benyamin Netanyahu xəstəxanaya hücumda İsrail Müdafiə Qüvvələrinin (IDF) iştirak etmədiyini bildirib. İsrail ordusu Qəzza zolağında xəstəxanada baş verən partlayışın Fələstin İslami Cihad raketinin uğursuz buraxılması nəticəsində baş verdiyini bildirib. Təşkilat özü bu hadisədə günahını rədd edib.
Oktyabrın 7-də HƏMAS hərəkatı İsraili Qəzza zolağından kütləvi raket atəşinə məruz qoyub, həmçinin ölkənin cənubundakı sərhəd bölgələrini işğal edib. Elə həmin gün İsrail Qəzza zolağındakı hədəflərə cavab verməyə başlayıb.
Fələstinlilər iki ölkə arasında 1967-ci il Altı Günlük Müharibədən əvvəl mövcud olan sərhədləri mümkün ərazi mübadiləsi ilə qaytarmaq niyyətindədirlər. Fələstin Qərb Sahilində və Qəzza zolağında öz dövlətini yaratmaq və Şərqi Qüdsü paytaxt etmək istəyir. İsrail bu şərtləri rədd edir.
Alpər
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər