Azərbaycan millisinin futbolçusu Mahir Emreli "Qarabağ" klubu ilə vidalaşıb.
Qaynarinfo xəbər verir ki, 24 yaşlı hücumçu bu barədə feysbuk hesabında paylaşım edib.
Qeyd edək ki, Mahir Emrelinin tezliklə "Legiya" ilə müqavilə imzalayacağı gözlənilir. Sözləşmə müddəti sonradan daha 1 il uzadıla bilməsi şərti ilə üç il olacaq. Forvard 2015-ci ildən "Qarabağ"ın formasını geyinib. Onun Ağdam təmsilçisi ilə müqaviləsi başa çatıb. Hücumçu Premyer Liqada ötən mövsüm 18 qolla bombardirlik yarışında ikinci olub.
