Bu gün, sentyabrın 11-dən, Azərbaycanda Hicri təqvimi ilə Məhərrəm ayı başlayıb.
Qaynarinfo-nun məlumatına görə, bu ayın 10-cü günü - Aşura sentyabrın 20-nə təsadüf edəcək. Səfər ayı isə oktyabrın 11-də başlayacaq və noyabrın 8-də bitəcək.
Hicri təqviminin ilk iki ayında (Məhərrəm və Səfər ayları) Azərbaycanın əksər bölgələrində toy mərasimləri təxirə salınır.
QMİ Əhli Beytin hər iki məzhəb üçün əziz olduğunu nəzərə alaraq, Azərbaycanda yaşayan hər iki məzhəb ardıcıllarına İslami həmrəylik nümayiş etdirərək, İmam Hüseyn (ə) mərasimlərində dini dəyərlərə uyğun olaraq birgə iştirak etmələrini tövsiyə edir.
