Bu gün Səbail Rayon Məhkəməsində ANS Müstəqil Yayım Şirkətinin Milli Televiziya və Radio Şurasına (MTRŞ) qarşı şikayəti üzrə ayrı-ayrılıqda 3 məhkəmə prosesi keçirilib. Məhkəmə hər üç iş üzrə ANS-in şikayətini qismən təmin edib və qərarları yenidən MTRŞ-ya göndərib.
Məhkəmədə bildirilib ki, şura həmin qərarlara yenidən baxmalıdır.
Qeyd edək ki, şura televiziyanın cərimə olunması barədə qərarlar qəbul edib. Həmin qərarlarla razılaşmayan ANS Səbail rayon Məhkəməsinə müraciət edərək qərarların ləğv edilməsini istəyib. Lakin məhkəmə iddiaları təmin etməyib. Bundan sonra, ANS apellyasiya şikayəti verib. Bakı Apelllyasiya məhkəmə şikayəti qismən təmin edərək işləri yenidən Səbail rayon Məhkəməsinə qaytarıb.
Qaynar.info
