Məktəblərdə dərslərin başlama saatı dəyişdirilir? - Nazir açıqladı

"Məktəblərdə dərs saatlarının dəyişdirilməsi çox mürəkkəb prosesdir".

Qaynarinfo xəbər verir ki, bu sözləri elm və təhsil naziri Emin Əmrullayev mətbuat konfransında çıxışı zamanı deyib.

Nazir bunu valideynlərin uşaqlarını məktəbə qoyub işə getməsi ilə əlaqələndirib.

O əlavə edib ki, dərs saatlarının dəyişdirilməsi ali təhsil müəssisələrində tətbiq olunur:

"Hazırda məktəblərin başlama saatlarının dəyişdirilməsi ilə bağlı əlimizdə belə bir qərar yoxdur ki, bunu elan edək".