NATO sammitində “Avaks” tipli təyyarələrin Türkiyənin İncirlik hərbi bazasında yerləşdirilməsini gündəmə gətirəcəyik.
Axar.az xəbər verir ki, bu sözləri Almaniya kansleri Angela Merkel deyib.
“NATO üzvləri olaraq terrorçuluğa qarşı mübarizədə “Avaks” tipli təyyarələrin İncirlikdə yerləşdirməsini sammitdə müzakirə edəcəyik”, - Merkel qeyd edib.
Almaniya Federal Şurasının Müdafiə Komissiyasının sədri Volfqanq Helmiç isə sözügedən təyyarələrin Türkiyədə yerləşdirilməsi üçün rəhbərlik etdiyi qurumun təsdiqinə ehtiyac olduğunu bildirib.
Qeyd edək ki, iyulun 8-9-da Polşanın paytaxtı Varşavada NATO Dövlət və Hökumət başçılarının sammiti keçiriləcək.
Qaynarinfo.az
