Azərbaycan Mərkəzi Bankının (AMB) sərəncamında olan rəsmi valyuta ehtiyatların həcmi açıqlanıb. Azərbaycan Mərkəzi Bankından "Qaynarinfo"ya verilən məlumata görə, Mərkəzi Bankın valyuta ehtiyatları 2017-ci il iyul ayının 31-nə 5 milyard 33,1 milyon ABŞ dolları təşkil edib ki, bu da ötən ilin müvafiq dövrü ilə müqayisədə 840,2 milyon dollar və ya 20,90% çoxdur.
İyul ayı ərzində isə AMB-nin valyuta ehtiyatları 69 milyon dollar və ya 1,39% artıb.
Cari ilin əvvəlindən artım 1 milyard 58,7 milyon dollar və ya 26,64% olub.
Qaynarinfo.Az
