Bu gün Bakı Metropolitenində yenə problem yaranıb.
ANS PRESS-in məlumatına görə, bu barədə hüquq mühafizəçisi Mirvari Qəhrəmanlı öz Facebook hesabında yazıb.
Onun sözlərinə görə, metronun “Gənclik” və “Koroğlu” stansiyalarında qatarlar 15-20 dəqiqə hərəkət etməyib.
Məsələyə aydınlıq götürmək üçün Bakı Metropoliteni ilə əlaqə saxladıq. Metronun mətbuat xidmətinin rəhbəri Nəsimi Paşayevin ANS PRESS-ə verdiyi məlumata görə, 16:00 radələrində “Dərnəgül”-“Həzi Aslanov” stansiyaları istiqamətində hərəkətdə olan 27 saylı qatarda texniki nasazlıq yaşanıb.
“Platformada qatarın hərəkəti mümkünsüz olub. Bu səbəbdən sərnişinlər vaqonlardan evakuasiya olunub. Qatar depoya göndərilib. Bu vaxt ərzində 5-10 dəqiqə yubanma olub. Bununla da qatarların ümumi qrafikində müəyyən qədər gecikmələr olub. Lakin sonradan problem aradan qaldırılıb”, - deyə Nəsimi Paşayev bildirib.
Qaynar.info
