“MİL Menecerlik Proqramı”nda iştirak etmək istəyən gənclər aşağıdakı online anketi dolduraraq proqrama müraciət edə bilərlər. Qeyd edək ki, iştirakçılar müsahibə vasitəsilə seçiləcəklər.
Proqram tam ödənişsizdir.
Müraciət üçün son tarix: 20 may, 2015, saat 22:00.
MİL haqqında:
Menecerlərin İnkişafı Layihəsi (MİL) gənclərin könüllü ictimai təşəbbüsü olaraq fəallıq, peşəkarlıq, azad düşüncə, dözümlülük və plüralizmi əsas dəyər kimi mənimsəmiş menecerlər yetişdirir. MİL-in əsas məqsədi ictimai təşkilatlar və layihələrin idarə edilməsində gənclərin mütəxəssis kimi formalaşmasına dəstək olmaq və vətəndaş cəmiyyətinin inkişafına təkan verməkdir.
Biz inanırıq ki,
-Cəmiyyətin gələcəyini onun fəal gəncləri müəyyən edir. Bu mənada, hər bir ictimai fəaliyyət və təşəbbüs həmin cəmiyyətin inkişafı üçün atılmış bir addımdır;
-İctimai fəalların sosial işlərdə və ictimai layihələrin idarəedilməsindəki peşəkarlığı həmin cəmiyyətin inkişaf meyarıdır;
-Cəmiyyəti gələcəyə aparan ictimai aktivlərin azad düşüncəsi cəmiyyətin azadlıq təminatıdır;
-Biz bütün fərqliliklərin bir arada fəaliyyət göstərə biləcəyi, qarşılıqlı hörmətin olduğu vətəndaş cəmiyyəti istəyirik və buna görə də işlərimizlə dözümlülük və plüralizm mühiti yaradırıq.
Əlaqə: [email protected]
Fb səhifəsi: www.facebook.com/milsebekesi
Twitter: www.twitter.com/milsebekesi
