Milli Məclisin deputatı Fazil Mustafa Sputnik.Qiraət layihəsinin növbəti iştirakçısı olub. Siyasətçi layihə üçün Azərbaycanın Xalq şairi Məmməd Arazın “Azərbaycan – dünyam mənim” şeirindən misralar oxuyub.
“Sputnik.Qiraət layihəsi görkəmli şairlərin əsərlərində vəsf edilən ali dəyərlərin insanların birliyinə və həmrəyliyinə xidmət etdiyini göstərir. Məmməd Arazın şeirində tərənnüm olunan Vətənə məhəbbət bizləri, ayrı-ayrı fərdləri birləşdirib vahid Azərbaycan xalqı edir”, deyə Fazil Mustafa bildirib.
Layihədə həmçinin hər bir sosial şəbəkə istifadəçisi iştirak edə bilər. Bunun üçün sevimli şeir parçasını oxuyaraq videonu şəxsi səhifədə #Sputnik.Чтения və ya #Sputnik.Qiraət heşteqləri ilə paylaşmaq yetər. Layihənin sonunda ən yaxşı oxucu videoları Sputnik Azərbaycan-ın saytlarında yerləşdiriləcək.
