17 yaşadək futbolçulardan ibarət Azərbaycan milli komandası bu gün Avropa çempionatının seçmə mərhələsində ilk oyununa çıxıb.
9-cu qrupda yer alan Aqil Nəbiyevin komandası səfərdə Fransanın müvafiq yaş qrupundan ibarət kollektivi ilə qarşılaşıb.
Kapbreton şəhərindəki "Bourret” stadionunda keçirilən görüş Fransa komandasının 8:0 hesablı qələbəsi ilə başa çatıb.
Xatırladaq ki, Azərbaycanın əsas milli komandası da növbəti matçını səfərdə Fransaya qarşı keçirəcək. Oyun DÇ-2026-nın seçmə mərhələsi çərçivəsində oktyabrın 10-da keçiriləcək.
8 oktyabr
17:00. Fransa (U-17) - Azərbaycan (U-17) - 8:0
Qollar: Loran Mellifield, 28, Joşua Daqo, 30, Arone Gadou, 38, Aly Traore, 45+6-pen, 64, Aymen Amaaouch, 57, 85, Abbas Zeynalov, 84-avtoqol
Qırmızı vərəqə: Səttar Tahirzadə, 66 (Azərbaycan)
Baş hakim: Marius Hansen Qrotta (Norveç)
"Bourret” stadionu, Kapbreton
