Təhsil Nazirliyi Tələbə Qəbulu üzrə Dövlət Komissiyasının (TQDK) III və IV sinif dərsliklərinin monitorinqinin nəticələri ilə bağlı verdiyi rəyin n cavablandırılacağı tarixi açıqlayıb.
Təhsil Nazirliyinin dərslik və nəşriyyat şöbəsinin müdiri Faiq Şahbazlı APA-ya açıqlamasında deyib ki, nazirlik tərəfindən III sinif dərslikləri üzrə hazırlanan cavab rəyi sabah komissiyaya göndəriləcək. Onun sözlərinə görə, hazırda yalnız bəzi xarici dil dərslikləri üzrə ekspertlərin rəyi hazırlanır: “Onlar da tam hazır olduqdan sonra sabah Təhsil Nazirliyi rəyi TQDK-ya göndərəcək. IV sinif dərslikləri ilə bağlı rəy isə Novruz bayramından sonra hazırlanaraq TQDK-ya təqdim olunacaq”
