Nurlanə nənə və nəvəsi
- Nənə, nənə, ay nənə, mənə bir nağıl danış.
- Hansı nağılı gözəl nəvəm?
- Mozaikaların nağılı, ay nənə.
- Sovet ideologiyasının incəsənətini təbliğ edən sənət əsəri nəyinə lazım, gözəl balam?
- Ay nənə, nə Sovet? Mozaikanın tarixi 6 min il əvvəl mövcud olmuş Şumer dövlətinə gedib çıxır axı.
- Ay ağıllı balam, nə Şumer, nə 6 min il, onlar boş-boş söhbətlərdir.
- Bəs Şəki Xan sarayı?
... ... ... .
- Nənə, hamı səndən yazır.
- Barlı ağaca çox daş atarlar, bala. Amma elmli insanların mənə paxıllıq etməsini, şər-böhtan atmasını görəndə çox rəncidə oluram.
- Rəncidə nədir ay nənə?
... ... ... .
- Mikayıl dayı söküntüyə heçnə demədi?
- Mən vəzifədə işləməyə başlayanda Mikayıl dayın 14 yaşlı orta məktəb şagirdi idi. Tələbələrin başını, müəllimlərin çiyinlərini, yaxınlıqda yaşayan sakinlərin əl-ayaqlarını deşən kiçik şüşə qırıqlarını sökməyimə niyə etiraz etsin ki?
- Bəs Əbülfəs əmi?
- Dedi ki, bu universitetin binası tarix və mədəniyyət abidəsi kimi qeydiyyata alınmayıb, üstündəki mozaikanın isə mədəniyyətlə bir əlaqsi yoxdur.
- Hacıbala baba da etiraz etmədi?
- Yox ay balam, dedi istəyirsən get bütün binanı sök, yerində mərmərli park tik.
- Nənə, yuxum gəldi mənim...
-Yat ay bala, siz cavanlar rahat yatın, uyuyun. Biz nənələr, babalar, ölənəcən işləyək.
Elçin Mahmud
Qaynarinfo.Az
