Oğuzda məktəblilər yanacaqsız işləyən mühərrik hazırlayacaqlarını iddia edirlər.
Qaynarinfo-nun xezerxeber-ə istinadən məlumatına görə, Oğuzun Calit-2 qəsəbəsində məskunlaşan Kəlbəcər sakinləri, Köçəri və Məhəbbət Əmiraslanlı qardaşları enerjisi tükənməyən avtomobil mühərriki ixtira etdiklərini deyirlər. 9 və 11-ci sinif şagirdləri olan qardaşların sözlərinə görə, bu sxem üzərində 3 ilə yaxındır ki, çalışırlar. Mühərrikin hansı enerji ilə işlədiyini sirr saxlasalar da, onun səssiz rejimdə çalışacağını iddia edirlər.
Məktəblilər yeni layihənin həm minik avtomobilləri, həm də hərbi sənaye üçün keçərli olduğunu bildirirlər. Əmiraslanlı qardaşları minik avtomobilinə "MK-Sport", hərbi maşna "MK-557", zirehlı transpartyora isə "Pələng" adı veriblər.
Onların valideynləri də övladlarının uğur qazanacaqlarına əmin olduqlarını deyirlər.
Əmiraslanlı qardaşları layihəni rəsmiləşdirmək üçün aidiyyəti qurumlara müraciət etmək niyyətindədirlər.
