"Sanderlend" klubunun məhşur baş məşqçisi Paolo Di Kanio klubdan qovulub.
Milli.Az The Guardian-a istinadən xəbər verir ki, Di Kanio "Vest Bromviç"ə (3:0) məğlubiyyətdən sonra məşq zamanı yetirmələrini sərt şəkildə tənqid edib. "Sanderlend" klubunun eks-kapitanı Li Kattermol bildirib ki, baş məşqçiyə inam qalmayıb və məşqdəki metodlar heç nəyə yaramır.
Tezliklə oyunçuların iradı rəhbərliyə çatdı və klubun rəhbəri Ellisa Şorta Di Kanionu qovmağa qərar verdi. Beləliklə, italiyalı məşqçi "Sandelend" klubunda heç 6 ay işləmədi.
Qeyd edək ki, "Sanderlend" İngiltərə çempionatında 5 turdan sonra 1 xalla axırıncı yerdədir.
