Beynəlxalq Futbol Tarixi və Statistikaları Federasiyası (IFFHS) klubların yeni dünya reytinqini açıqlayıb.
Qaynarinfo IFFHS-in rəsmi saytına istinadən xəbər verir ki, siyahıda 307 komanda yer alıb. Komandalar arasında Azərbaycan təmsilçilərindən yalnız "Qarabağ" siyahıda özünə yer edib. 149 xala malik Ağdamlılar ötən ayla müqayisədə 7 pillə irəliləyərək 62-ci sıradadır. Ölkə çempionu Argentinanın "Talyeres" (Kordoba) klubu ilə eyni xala malikdir.
Ağdamlılar Avropa təmsilçiləri arasında 40-cı, postsovet məkanında isə birinci olub.
Türkiyə komandalarından "Fənərbağça" 162,5 xalla 46-cı, "Başakşehir" 126 xalla 91-ci, "Trabzonspor" 115 xalla 112-ci, "Sivasspor" 129-cu, "Qalatasaray" isə 79,5 xalla 206-cıdır.
İlk "3-lük"də müvafiq olaraq "Flamenqo" (Braziliya – 313 xal), "Real Madrid" (İspaniya - 308) və "Palmeyras" (Braziliya - 263) qərarlaşıb.
Səbuhi Həsənov
Şərhlər