“Qarabağ”ın avrokuboklarda potensial rəqibləri müəyyənləşir

Bu gün avrokubokların III təsnifat mərhələsində "Qarabağ”ın potensial rəqibləri müəyyənləşəcək.

Qaynarinfo xəbər verir ki, Ağdam təmsilçisi Çempionlar Liqasında İrlandiyanın "Dundalk” komandasını mübarizədən kənarlaşdıracağı təqdirdə APOEL (Kipr) – "Sutyeska” (Monteneqro) cütünün qalibi ilə qarşılaşacaq. Bu kollektivlər arasında baş tutan ilk oyunda kiprlilər səfərdə 1:0 hesabı ilə qalib gəliblər.

"Qarabağ” "Dundalk” səddini keçə bilməsə, Avropa Liqasının III təsnifat mərhələsində "Feronikeli” (Kosovo) – "Slovan” (Bratislava, Slovakiya) cütünün qalibi ilə üz-üzə gələcək. Bu komandaların ilk matçında slovakiyalılar qələbə qazanıblar – 2:1.

Qeyd edək ki, "Qarabağ” və "Dundalk” arasında cavab görüşü iyulun 31-də "Dalğa Arena”da keçiriləcək. İrlandiyada baş tutan ilk oyunda 1:1 hesablı heç-heçə qeydə alınıb.

21:00 APOEL (Cənubi Kipr) - Sutyeska (Monteneqro)

İlk oyun - 1:0.

21:00 Nımme Kalyu (Estoniya) - Seltik (Şotlandiya)

İlk oyun - 0:5.

21:00 Makkabi (Təl-Əviv, İsrail) - ÇFR (Rumıniya)

İlk oyun - 0:1.

22:00 Bazel (İsveçrə) - PSV (Hollandiya)

İlk oyun - 2:3.

22:00 Dinamo (Zaqreb, Xorvatiya) - Saburtalo (Gürcüstan)

İlk oyun - 2:0.

22:00 Valletta (Malta) - Ferentsvaroş (Macarıstan)

İlk oyun - 1:3.

22.30 Olimpiakos (Yunanıstan) - Viktoriya (Çexiya)

İlk oyun - 0:0.