Bakının Qaradağ rayonu ərazisində, Heydər Əliyev adına Dərin Özüllər Zavodunun qarşısında sərnişin mikroavtobusunun yük maşını ilə toqquşması nəticəsində 2 nəfər ölüb, 11 nəfər xəsarət alıb.
Hüquq-mühafizə orqanlarından Anspress-ə verilən məlumata görə, Hadisə Bakı-Qazax yolunda baş verib. Ölənlərdən biri azyaşlı uşaqdır. Belə ki, Fizuli-Beyləqan və Bakı istiqamətində hərəkət edən 90 JB 642 dövlət nömrə nişanlı, “Ford” markalı yük maşını ilə 10 LK 183 dövlət nömrə nişanlı “Ford” markalı sərnişin mikroavtobusu toqquşub.
Faktla bağlı araşdırma aparılır. Hadisə şahidləri Anspress-ə baş verən qəzanın görüntülərini təqdim edirlər.
Qeyd edək ki, ürəyi zəif insanların həmin görüntülərə baxması məsləhət deyil.
Qaynar.info
