Qeyri-sabit hava şəraiti nə vaxtadək davam edəcək?

“Ölkə ərazisində hazırda qeyri-sabit hava şəraiti sentyabrın 25-i gündüzədək davam edəcək”.

Bunu Ekologiya və Təbii Sərvətlər Nazirliyinin Milli Hidrometeorologiya Departamenti Hidrometeoroloji Proqnozlar Bürosunun direktor əvəzi Gülşad Məmmədova deyib.

O bildirib ki, sentyabrın 23-də günün ikinci yarısından başlayaraq bu gün səhərə kimi ölkə ərazisində hava şəraiti qeyri-sabit olub: 

“Şimşək çaxıb, yağış yağıb, bəzi yerlərdə leysan xarakterli olub”. (APA)

Qaynarinfo.Az