Bu gün axşam saatlarında Qubada yaşayış evində partlayış baş verib.
APA-nın şimal bürosunun verdiyi məlumata görə, partlayış Quba şəhəri, M.Qorki küçəsiŞ bina 24, mənzil 18-də qeydə alınıb.
Partlayış nəticəsində Quba rayon Polis Şöbəsinin Dövlət Yol Polisi Bölməsinin əməkdaşı Elmar Umudov müxtəlif bədən xəsarətləri alaraq Quba Mərkəzi Xəstəxanasına yerləşdirilib. Onun vəziyyəti orta-ağırdır.
Hadisənin qaz sızmasından baş verdiyi ehtimal olunur. Faktla bağlı araşdırmalar davam edir.
