Metronun “28 May” stansiyası görkəmini dəyişəcək.
Bakı Metropolitenindən AzərTAc-a bildiriblər ki, artıq stansiyanın yenidənqurma işlərinə başlanılıb. Yeni layihə “Bakıdövlətlayihə” İnstitutu tərəfindən hazırlanıb.
Tikinti zamanı stansiyanın fəaliyyətinin dayandırılmasına ehtiyac yaranarsa, bu zaman işlər elə planlaşdırılacaq ki, ən minimal müddətdə stansiyanın işi bərpa olunsun.
Yenidənqurma işləri zamanı yaranan müvəqqəti narahatlığa görə Bakı Metropoliteninin rəhbərliyi sərnişinlərdən üzr istəyir.
