“Söhbət gəzir ki, biz köhnə proqramlara, Rusiya sisteminə qayıdırıq. Bu, yalandır”. “Qafqazinfo” xəbər verir ki, bu sözləri bu gün Salyan kazarmasında tanınmış media qurumları başçılarının Müdafiə Nazirliyinin rəhbərləri ilə görüşündə müdafiə nazirinin müavini general-leytenant Kərəm Vəliyev deyib.
O, nazir Zakir Həsənovun keçirdiyi kollegiya iclasında əsas tapşırıq kimi dağ şəraitində döyüş hazırlığını gücləndirməyin olduğunu bildirib: “Azərbaycan ordusu NATO istiqamətində təlim keçir, bütün proqramlar NATO sisteminə uyğunlaşdırılıb, ordu quruculuğu davam edir”.
General-leytenant bildirib ki, bundan sonra əsgərlər təsərrüfat işlərinə cəlb olunmayacaqlar. Belə ki, orduda işləmək üçün artıq 3 000 mülki şəxs işə qəbul olunub. Bu rəqəmin 20 000-ə çatacağı gözlənilir.
