Türkiyədə ali məhkəmə funksiyalarını yerinə yetirən Yarğıtay ölkə futbolunda danışılmış oyunlarla (şike) bağlı məhkəmənin verdiyi qərarı təsdiqləyib.
APA-nın verdiyi məlumata görə, ölkənin son apellyasiya instansiyası olan Yarğıtay “Fənərbağça” idman klubunun prezidenti Əziz Yıldırım haqqında məhkəmənin çıxardığı məhkumluq qərarını təsdiq edib. Bu qərardan sonra Ə. Yıldırımın idman klubuna rəhbərlik etmək hüququndan məhrum edilməsi gözlənilir.
Xatırladaq ki, məhkəmə Ə. Yıldırıma 6 il 3 ay müddətinə azadlıqdan məhrumetmə cəzası vermişdi. Lakin o, Yarğıtayın qərarına qədər azadlığa buraxılmışdı. Ə. Yıldırımın yenidən həbs olunub-olunmayacağı hələlik dəqiqləşməyib.
Qaynar.info
