Bakının Xətai rayonu ərazisində yerləşən "Megafun" İstirahət və Əyləncə Mərkəzində yanğın hadisəsi baş verib.
Mərkəzin direktoru Nurlana Abdülnabi salamnews-a bildirib ki, “Şəki” restoranında mətbəx qismində istifadə olunan kiçik otaq yanıb. Otaq binanın ikinci mərtəbəsində yerləşir. Yanğın yanğınsöndürmə balonları vasitəsi ilə işçilər tərəfindən söndürülüb. Hazırda hadisə tamamilə nəzarət altındadır.
________
16:05
Musavat.com-un aldığı məlumata görə, Fövqəladə Hallar Nazirliyinin yanğını söndürmək üçün hadisə yerinə cəlb olunmuş yanğınsöndürənlər briqadası öz işlərini görmək üçün əraziyə daxil olmaqda olduqca ciddi çətinliklə üzləşiblər.
