İyunun 5-də Azərbaycanda ”Şairlər günü ” qeyd olunacaq.
Hələ 3 il əvvəl Şairlər Birliyinin rəhbəri şair Xəyal Rzanın təklifi və təşkilatçılığı ilə əsası qoyulan bu tədbir bu il “Govhar Group”un yaxından iştirakı və təşkilati dəstəyi ilə daha geniş miqyasda keçiriləcək.
Builki “Şairlər günü”ndə dünyanın 6 ölkəsindən tanınmış şair və ədəbiyyatçılar, sənət adamları və musiqiçilər iştirak edəcək. Türkiyə, Qırğızıstan, Özbəkistan, Gürcüstan, Ukrayna və Rusiyadan dəvət olunan qonaqların geniş siyahısını təqdim edirik:
Yeşim Ağaoğlu (Türkiyə) - şairə,9 kitab müəllifi
Ender Balkır (Türkiyə) –Türk xalq musiqisi ifaçısı
Mehmet Özkaya (Türkiyə) –TRT solisti, Türk sənət musiqi ifaçısı
Tuğba Akyuz (Türkiyə) -menecer
Gulay Sezer (Türkiyə) –sənətçi, Ələkbər Tağıyevin ”Sən gəlməz oldun” mahnısını Türkiyədə tanıdan müğənni.
Yakup Ömeroğlu (Türkiyə) - Avrasiya Yazıçılar Birliyinin sədri, “Qardaş Qələmlər” jurnalının təsisçisi
Dmitro Stus (Ukrayna) - Taras Şevçenko adına Ədəbiyyat Muzeyinin direktoru, Prezident yanında Mədəniyyət Şurasının üzvü, Ukrayna Yazıçılar Asosiasiyasının vitse prezidenti
Mixail Sinelnikov (Rusiya) –şair,akademik,tərcüməçi (Xaqani, Nəsimi)
Dalmira Tilepbergenova (Qırğızıstan) – Bişek PEN Təşkilatının prezidenti, şair, kino-rejissor
Şukratulla Rızayev (Özbəkistan) – “Cahan ədəbiyyatı” jurnalının baş redaktoru, tanınmış ədəbiyyatşünas
Giorgi Kekelidze (Gürcüstan) – Milli Parlament Kitabxanasının direktoru, şair
XX əsr Azərbaycan şeirinin öncüllərindən biri olan unudulmaz şair Mikayıl Müşviqin doğum günü ilə “Şairlər günü“nün üst-üstə düşməsi təsadüfi deyil.
Bu həm bütövlükdə poeziyaya, həm də milli şeirimizin çox sevilən nümayəndəsinə olan hörmətin təzahürüdür. Odur ki,tədbirin təşkilatçıları məhz Müşvifiqin adını daşıyan mükafatın şairlərə verilməsini məqsədə müfaviq hesab edir.
“Govhar Group” un təşkilatçılıqı ilə baş tutacaq “Şairlər günü” Muğam Mərkəzində keçiriləcək.
Qaynar.info
