Siyasət 22:02 16.08.2022

Quterreş, Ərdoğan və Zelenski Lvovda görüşəcək

BMT Baş katib Antonio Quterreş avqustun 18-də Ukraynanın Lvov şəhərinə səfər edəcək.

Qaynarinfo xəbər verir ki, baş katib burda Ukrayana prezidenti Vladimir Zelenski və Türkiyə prezidenti Rəcəb Tayyib Ərdoğanla görüşəcək.

Tərəflər avqustun 20-də İstanbuldakı taxıl koordinasiya mərkəzinə baş çəkəcək.

BMT baş katibinin sözçüsü Stefan Düjarrik gündəlik mətbuat brifinqində bildirib ki, Quterreş Zelenskinin dəvəti ilə Lvova gedəcək.

Antonio Quterresin Lvovda Zelenski və prezident Ərdoğanla üçtərəfli görüş keçirəcəyini bildirən Düjarrik baş katibin avqustun 19-da Odessaya gedəcəyini bildirib.