Goranboy rayonunda "Range Rover"lə toy karvanında sürətlə hərəkət edən sürücü saxlanılıb.
Qaynarinfo-nun məlumatına görə, 1989-cu ildə Gəncə şəhərində doğulmuş Elçin (şərti) qohumunun toyunda iştirak etmək üçün Goranboya gedib. Toy karvanında yolun əks istiqamətinə çıxaraq, sürətlə hərəkət edib.
YPX əməkdaşları tərəfindən saxlanılan sürücü yüksək səslə səs-küy salaraq, polisin qanuni tələbinə tabe olmayıb. O, saxlanılaraq barəsində İnzibati Xətalar Məcəlləsinin 510 və 535.1-ci maddələri ilə protokol tərtib edilib və iş məhkəməyə göndərilib.
Goranboy Rayon Məhkəməsinin qərfarı ilə sürücü 200 manat cərimə edilib. İnzibati qaydada tutulmuş sürücü məhkəmə iclas zalından azad edilib.
Əhməd
