Ekonomiks 15:38 27.09.2022

Rusiya Ukrayna ilə danışıqlara hazırdır, lakin “xüsusi əməliyyat”ın məqsədi dəyişmir - Peskov

Rusiya Federasiyası prezidentinin mətbuat katibi Dmitri Peskov bildirib ki, Rusiya Ukrayna ilə danışıqlara hazırdır.

Qaynarinfo bu barədə SE-yə istinadla xəbər verir

"Ancaq situasiya dəyişdikcə, şərtlər də dəyişir, biz bu barədə dəfələrlə danışmışıq. Amma ümumilikdə götürdükdə prinsip - xüsusi hərbi əməliyyatın bütün məqsədləri dəyişməz olaraq qalır. Hazırkı vəziyyətdə Putinlə Ərdoğanın danışıqlarında Ukrayna tərəfinin danışıqlar yolundan tamamilə çıxdığı, ona görə də xüsusi hərbi əməliyyatın davam etdiyi bildirilib”, - Peskov deyib.

Bir gün əvvəl Türkiyənin xarici işlər naziri Mövlud Çavuşoğlu Türkiyə prezidenti Rəcəb Tayyib Ərdoğanın Rusiya lideri Vladimir Putin, eləcə də Volodimir Zelenski ilə danışıqlar aparmağı planlaşdırdığını bildirib.
 
Alpər