Rusiyada Azərbaycan vətəndaşına odlu silahdan atəş açıblar.
Oxu.Az-ın "Gordon48” saytına istinadən verdiyi məlumata görə, hadisə Lipetsk şəhərində baş verib.
Xəstəxanaya yerləşdirilən 38 yaşlı həmyerlimiz əməliyyat olunub. O, qarın nahiyyəsindən çoxsaylı güllə yaraları alıb. Əməliyyat zamanı həkimlər yalnız bir gülləni yaralının bədənindən çıxarıblar, çünki o çoxlu qan itirdiyindən ağır vəziyyətdə olub.
Həkimlər bildiriblər ki, həmyerlimiz bütün güllə yaralarını qarın nahiyyəsindən alıb.
Faktla bağlı cinayət işi açılıb.
