Milli Məclisin bu gün keçirilən iclasında çıxış edən deputat Sabir Rüstəmxanlı da İTV haqqında xoş sözlər söylədi: “Bu gün İTV Azərbaycan həyatında çox ciddi hadisədir, dünyanın harasına gediriksə, Azərbaycan haqqında ən dəqiq məlumatı ordan alırıq”.
Modern.az-ın məlumatına görə S.Rüstəmxanlı aşıq musiqisi ilə bağlı S.Novruzovun fikri ilə razılaşmadı: “İTV-nin fəaliyyətinin ən uğurlu tərəflərindən biri budu ki, o, dünyanın basqısı altında arxa plana keçirilən milli-mənəvi dəyərlərimizi, o cümlədən aşıq sənətinə geniş yer ayırır. Ona görə də bunu ixtisar etməyə ehtiyac yoxdur”.
O, həmçinin qeyd etdi ki, Qarabağ məsələsi ilə bağlı verilişlər ölkə telekanallarında yetərli səviyyədə deyil: “Bu gün Qarabağı təkcə Ermənistan unutdurmur, həm də özümüz unuduruq”.
Qaynar.info
