Şamaxıya yağan qar yolların buz bağlamasına səbəb olub.
Qaynarinfo oxu.az-a istinadən xəbər verir ki, iki gündür qarın yağması avtomobil yollarına təsirsiz ötüşməyib.
Ağsu dolaylarında qış mövsümünə hazır olmayan avtomobillərin sürücüləri çətin anlar yaşayıblar.
Şaxtalı hava səbəbindən buz bağlayan Şamaxı-Çöl Göylər-Padar yolunun enişli-yoxuşlu nöqtələrinə, sərt döngələrinə qum-duz qarışığı səpilib. Yolda növbəli əsasda işçi qrupunun üzvləri fəaliyyət göstərir.
Şaxtalı hava üzündən sürücülərə axşam saatlarında yola çıxmamaq tövsiyə edilir.
