"Mən
hər hansı bir aidiyyatı qurum tərəfindən şəhidin dəfn mərasimində çəkiliş
aparılmasına icazə verilməməsi ilə bağlı göstərişin olmasına inanmıram. Əgər
belə bir göstəriş varsa da, bunun qanunsuz olduğunu hesab edirəm".
Bunu
Qaynarinfo-ya açıqlamasında hüquq müdafiəçisi Aslan İsmayılov deyib. Vəkil məsələ
ilə bağlı araşdırma aparacağını da vurğulayıb:
"Bunun
hüququ tərəfi yoxdur. Bu ancaq mənəvi-əxlaqı olan bir şeydir. Əgər hüquqi tərəfi
olsaydı, bununla bağlı qərar olardı. Belə bir qərar yoxdur".
Aslan
İsmayıov təklif edib ki, əgər belə bir göstəriş olsa da, müvafiq strukturlar şəhidlərin
dəfn mərasimindən çəkiliş aparıb, müharibə bitəndən sonra onların valideynlərinə
təhvil verməlidir.
Qeyd
edək ki, sosial şəbəkədə Bakı Şəhəri Xəzər Rayon İcra Hakimiyyətinın məsul şəxsi
tərəfindən şəhid əkiz qardaşlar İman və Bəhrəm Elman oğlunun dəfnində şəhidin əmisinə
qarşı kobudluq edildiyi bildirilib. İzləyicilər şəhidin əmisini dəfndən çəkiliş
etməyə icazə verilmədiyini qeyd edib.
Xəzər
rayon İcra Hakimiyyəti isə şəhidlərin dəfn mərasimindən çəkilişlərin
aparılmaması ilə bağlı aidiyyatı qurumlardan hamıya xəbərdarlıq edildiyini qeyd
edib.
Bahar
Rüstəmli
